Cath Scratch yn neidio

Cam 1: Gwneud

Beth yw e?

Cychwyn arni gyda Scratch a micro:bit: gwneud i gath Scratch neidio pan fyddwch yn taflu eich tegan meddal eich hun yn yr awyr.

Sut mae'n gweithio

• Cysylltu pecyn batri â'ch micro:bit a'i gysylltu â Scratch, wedyn ei gysylltu â thegan meddal. Gwarchod y micro:bit fel na fydd yn cael ei niweidio os byddwch yn ei ollwng!
• Wedi'i hysbrydoli gan demo gwych gan Kreg o dîm Scratch, mae'r rhaglen hon yn defnyddio mesurydd cyflymiad y micro:bit i synhwyro pan fydd wedi'i daflu ac yn gwneud i gorlun y gath Scratch neidio ar yr un pryd.
• Ar yr un pryd, mae'r corlun yn newid lliw, yn gwneud sain miaw ac yn gwneud i'r traw fynd yn uwch bob tro rydych yn ei daflu.
• Mae'n defnyddio'r bloc llithro i wneud i Scratch neidio i'r rhan o'r sgrin bob amser, ac wedyn mynd i lawr eto mewn dilyniant.

Beth sydd ei angen arnoch

• micro:bit a phecyn batri
• cyfrifiadur addas gyda dolen Scratch wedi'i gosod. Gweler https://scratch.mit.edu/microbit i gael manylion am sut i gael Scratch i weithio gyda micro:bit.
• tegan meddal neu rywbeth meddal ac amddiffynnol i roi eich micro:bit ynddo

Cam 2: Codio

Scratch

Agor yn Scratch

Lawrlwytho'r prosiect

Cam 3: Gwella

• Recordio eich seiniau eich hun i gymryd lle'r 'miaw'.
• Gwneud i rywbeth ymddangos ar ddangosydd y micro:bit pan fyddwch yn ei daflu.
• Newid gwisg y corlun pan fyddwch yn gwasgu botwm ar y micro:bit.
• Gwneud i'r gath Scratch neidio'n uwch bob tro rydych yn taflu eich micro:bit.