Gitâr 3 - wythfedau

Cam 1: Gwneud

Beth yw e?

Gwella'ch gitâr micro:bit drwy symud y traw i fyny ac i lawr wythfedau.

Sut mae'n gweithio

• Cysylltu eich micro:bit â chlustffonau neu seinydd er mwyn clywed sain.
• Cysylltu padiau ffoil tun â phinnau'r micro:bit fel yn y prosiectau Gitâr 1 a Gitâr 2.
• Yn lle defnyddio nodiant cerddorol i chwarae nodau, mae'r rhaglen hon yn cadw amledd pob nodyn mewn newidynnau a elwir yn F, A, C ac E.
• Pan fyddwch yn cyffwrdd â phin 1 neu bin 2 a GND bydd yn chwarae cord wedi'i dorri, ond nawr gallwch symud y cord i lawr wythfed (gostwng ei draw) drwy wasgu botwm A, a'i symud i fyny wythfed (gan godi ei draw) drwy wasgu botwm B.
• Mae traw (amledd) nodyn yn dyblu pan fyddwch yn symud i fyny un wythfed: mae gan A ganol amledd o 440Hz (440 dirgryniad yr eiliad), mae gan A uchel amledd o 880Hz. Dyma pam mae gwneud y rhan ddirgrynol o dannau gitâr yn wahanol hyd â'ch bysedd yn newid traw y nodyn sy'n cael ei chwarae.
• Mae botymau A a B yn haneru ac yn dyblu'r rhif amledd sy'n cael ei gadw ym mhob newidyn, sy'n cael yr effaith o ostwng neu godi pob nodyn sy'n cael ei chwarae gan un wythfed.

Beth sydd ei angen arnoch

• micro:bit a phecyn batri opsiynol
• clustffonau, swnyn neu seinydd wedi'i bweru
• 5 cebl clip crocodeil
• cardfwrdd, ffoil tun, glud, a siswrn opsiynol i wneud gitâr neu allweddell

Cam 2: Codio

1from microbit import *
2import music
3F = 349
4A = 440
5C = 523
6E = 659
7
8while True:
9    if pin1.is_touched():
10        music.pitch(int(F), 500)
11        music.pitch(int(A), 500)
12        music.pitch(int(C), 500)
13    if pin2.is_touched():
14        music.pitch(int(A), 500)
15        music.pitch(int(C), 500)
16        music.pitch(int(E), 500)
17    if button_a.was_pressed():
18        F = F / 2
19        A = A / 2
20        C = C / 2
21        E = E / 2
22    if button_b.was_pressed():
23        F = F * 2
24        A = A * 2
25        C = C * 2
26        E = E * 2
27        

Cam 3: Gwella

• Creu siâp gitâr allan o gardfwrdd a gosod eich micro:bit arno er mwyn i chi allu perfformio yn sefyll i fyny.
• Os byddwch yn symud yr wythfedau yn rhy uchel neu'n rhy isel, bydd y rhaglen yn stopio gweithio - ac ni allwch glywed seiniau amledd isel iawn neu uchel iawn. Addasu'r rhaglen i atal hyn rhag digwydd.
• Cynyddu neu ostwng y tempo gan ddibynnu ar ba ffordd rydych yn gwyro'r micro:bit.