Cloch, páipéar, siosúr

Céim 1: Déan é

Cad atá ann?

Imir an cluiche iontach seo le dhá micro:bit agus foghlaim faoi rogha, athróga agus uimhreacha randamacha ag an am céanna.

Léiríonn an dá fhíseán seo cad a dhéanfaidh tú agus conas é a chódú:

Conas a oibríonn sé

• Is cluiche iontach idir beirt é 'cloch, páipéar, siosúr' atá bunaithe ar sheans. Croitheann tú féin agus do pháirtnéir bhur ndorn trí huaire agus ansin déanann sibh comhartha chun cloch, páipéar nó siosúr a léiriú go randamach. Sáraíonn cloch siosúr, sáraíonn siosúr páipéar agus sáraíonn páipéar cloch (clúdaíonn sé an chloch!).
• Nuair a bhraitheann méadar luasghéaraithe an micro:bit croitheadh, socraíonn sé uirlis na hathróige go huimhir randamach: 0, 1 nó 2.
• Úsáidimid 0 mar go dtosaíonn ríomhairí ag comhaireamh ag 0, agus is tábhachtach a chuimhniú gur uimhir í 0!
• Úsáideann an ríomhchlár rogha chun a roghnú cén íomhá le taispeáint ar scáileán an LED.
  Más í 0 an uimhir randamach, taispeántar deilbhín de chloch, más í 1 an uimhir taispeántar an deilbhín páipéir. Murar 0 ná 1 í an uimhir, caithfidh gur 2 atá ann mar d'ordaíomar don micro:bit uimhir randamach a roghnú idir 0 agus 2, mar sin, sa chás sin taispeántar siosúr.

Cad a theastaíonn uait

• 2 micro:bit (nó ionsamhlóir MakeCode)
• MakeCode nó Python editor
• pacáistí ceallraí (roghnach)
• páirtnéir le himirt leo

Céim 2: Códaigh é

1from microbit import *
2import random
3
4while True:
5    if accelerometer.was_gesture('shake'):
6        tool = random.randint(0,2)
7        if tool == 0:
8            display.show(Image.SQUARE_SMALL)
9        elif tool == 1:
10            display.show(Image.SQUARE)
11        else:
12            display.show(Image.SCISSORS)

Céim 3: Feabhsaigh é

• Tarraing do dheilbhíní féin le haghaidh 'chloch, páipéar, siosúr'.
• Smaoinigh ar uirlisí eile a thiocfadh a mhalartú le cloch, páipéar agus siosúr nó cum rialacha nua.
• Úsáid feidhm raidió an micro:bit chun cluiche a chruthú a mbíonn a fhios aige má bhuann tú nó má chailleann tú trí theagmháil a dhéanamh le micro:bit do charad.