Lacha teileapórtála

Céim 1: Cruthaigh é

Cad atá ann?

Tabhair ar lacha eitilt go dofheicthe tríd an aer ó micro:bit amháin go ceann eile.

Conas a oibríonn sé

• Splanc an ríomhchlár seo chuig dhá micro:bit, croith ceann agus eitleoidh lacha tríd an aer go draíochtúil ó cheann amháin chuig an gceann eile. Croith an ceann eile lena sheoladh ar ais.
• Ní draíocht é i ndáiríre. Úsáideann sé feidhm raidió an micro:bit chun sonraí a sheoladh ó micro:bit amháin chuig ceann eile nuair a bhraitheann an méadar luasghéaraithe croitheadh.
• Ar dtús, socraíonn an ríomhchlár grúpa an raidió go 23. Tá grúpaí cosúil le cainéil ar raidiónna siúlscéalaithe; is féidir leo a bheith in uimhir idir 0 agus 255. Is cuma cén uimhir a roghnaíonn tú, fad is atá micro:bit do charad ag baint úsáid as an uimhir ghrúpa chéanna, agus nach bhfuil aon duine eile in aice láimhe ag úsáid an ghrúpa chéanna.
• Nuair a chroitheann tú é, seolann sé an focal 'DUCK' chuig an ngrúpa raidió sin agus glantar an scáileán. Má fhaigheann ceachtar de na micro:bit teachtaireacht raidió (aon teachtaireacht raidió), tiocfaidh deilbhín de lacha aníos ar a scáileán, mar sin, níor chóir ach lacha amháin a bheith le feiceáil ag aon am amháin.

Cad a theastaíonn uait

• 2 micro:bit (nó ionsamhlóir MakeCode)
• MakeCode nó Python editor
• pacaí cadhnraí (roghnach)
• cara le himirt leo

Céim 2: Códaigh é

1from microbit import *
2import radio
3radio.config(group=23)
4radio.on()
5
6while True:
7    message = radio.receive()
8    if message:
9        display.show(Image.DUCK)
10    if accelerometer.was_gesture('shake'):
11        display.clear()
12        radio.send('duck')
13

Céim 3: Feabhsaigh é

• Faigh amach cé chomh fada óna chéile is féidir leat dul chun é seo a oibriú go fóill.
• Ainmhithe eile a theileapórtáil. An mbeadh ort an pictiúr, an teachtaireacht a athrú - nó an dá rud?
• Cad a tharlaíonn má úsáideann níos mó ná beirt an grúpa raidió céanna? Conas is féidir é seo a réiteach?