Lúba Frère Jacques

Céim 1: Cruthaigh é

Cad atá ann?

Ríomhchláraigh do micro:bit chun fonn cáiliúil a sheinm - nó ceann de d'fhoinn féin.

Léiríonn an dá fhíseán seo cad a dhéanfaidh tú agus conas é a chódú:

Conas a oibríonn sé

• Ceangail cluasáin, nó callaire aimplithe le pionna 0 agus le GND ar do micro:bit chun fuaim a chloisteáil.
• Feidhmíonn pionna 0 mar aschur agus muid ag seinm ceoil ar an micro:bit.
• Úsáideann an ríomhchlár seo nótaí ceoil chun fonn cáiliúil ceol tíre ón bhFrainc a sheinm. Déanann ‘Frère Jacques’ athrá ar gach barra faoi dhó. Thiocfadh linn micro:bit a ríomhchlárú chun na nótaí céanna a sheinm arís, ach tá sé i bhfad níos éasca úsáid a bhaint as atriall (tugtar lúb air sin freisin). Úsáideann an ríomhchlár seo lúba a sheinneann gach barra faoi dhó ionas nach mbeidh ort na nótaí céanna a ríomhchlárú faoi dhó.
• Is cuid de smaointeoireacht ríomhaireachta í patrúin mar seo a aithint, bealach chun a chinntiú go bhfuil ríomhchláir chomh héifeachtúil agus is féidir, ag úsáid an méid is lú cód chun tasc a chur i gcrích - nó chun píosa ceoil a sheinm!

Cad a theastaíonn uait

• micro:bit (nó ionsamhlóir MakeCode)
• MakeCode nó Python editor
• paca cadhnraí (roghnach)
• péire cluasán, buzzer nó callaire aimplithe
• dhá chlip crúb crogaill

Céim 2: Códaigh é

1from microbit import *
2import music
3
4for x in range(2):
5    music.play(["C4:4", "D4", "E4", "C4"])
6
7for x in range(2):
8    music.play(["E4:4", "F4", "G4:8"])
9

Céim 3: Feabhsaigh é

• Déan é níos tapa nó níos moille tríd an luas a athrú.
• Críochnaigh an fonn iomlán. Is iad na nótaí breise a bheidh ag teastáil ná GAGFEC, CGC ach beidh ort an chéad cheithre nóta a sheinm ar feadh leathbhuille, ní buille amháin. Cuimhnigh lúba a úsáid chun do chód a dhéanamh níos éifeachtúla.
• Ríomhchláraigh foinn eile ag úsáid ceol scríofa nó cum do chuid féin.
• Is féidir leat tuilleadh eolais a fháil faoi conas a oibríonn ceol micro:bit i Python anseo.