Ionchuir agus aschuir

Cabhraíonn an micro:bit leat tuiscint a fháil ar an gcaoi a n-oibríonn ríomhairí. Nuair a chlóscríobhann tú ar do ríomhaire glúine nó ar scáileán d'fhóin, tá gléas ionchuir in úsáid agat. Cuidíonn ionchuir do ríomhairí rudaí atá ag tarlú san fhíorshaol a bhrath, ionas gur féidir leo freagairt dóibh sin agus beart éigin a dhéanamh, de ghnáth ar ionchur amhail scáileán nó cluasáin.

Is cuid thábhachtach d'aon chóras ríomhaireachta iad ionchuir agus aschuir. Ar nós ríomhaire an-bheag, tá go leor ionchur agus aschur ag micro:bit BBC le foghlaim fúthu agus le húsáid.

Próiseálaí

Idir an t-ionchur agus an t-aschur, tá próiseálaí ann. Tógann sé seo sonraí ó ionchuir ar nós cnaipí, agus tugann sé ar rud éigin tarlú sna haschuir, mar shampla amhrán a sheinm i do chluasáin.

In amanna tugtar 'inchinn' an ríomhaire ar an bpróiseálaí agus tá micreaphróiseálaí laistigh de do micro:bit BBC. Is cuid riachtanach de do micro:bit é de bhrí go ritheann sé na ríomhchláir a scríobhann tú.

Comhéadan USB

Úsáidtear comhéadain USB, nó Bus Srathach Uilíoch, chun ríomhairí agus gléasanna digiteacha a nascadh, a chur in iúl agus a chumhachtú.

Tá comhéadan USB ag micro:bit an BBC a ligeann duit do ríomhaire a nascadh le do micro:bit ionas gur féidir leat cláir a aistriú chuige, agus é a chumhachtú.

Féach ar an bhfíseán chun tuilleadh a fhoghlaim faoin gcomhéadan USB ar an micro:bit.