Áiritheoir íogair céimeanna

Céim 1: Cruthaigh é

Cad atá ann?

Áiritheoir céimeanna is féidir a dhéanamh níos cruinne trína chur in oiriúint do do stíl siúil féin.

Cad a fhoghlaimeoidh tú

• Conas is féidir leis an micro:bit sonraí luasghéaraithe uimhriúla a bhailiú
• Conas tairseacha a chur i bhfeidhm ar shonraí braiteoirí chun imeachtaí a spreagadh amhail méadú ar chuntar céimeanna

Conas a oibríonn sé

• Úsáideann na tionscadail Áiritheoir céimeanna agus Áiritheoir céimeanna fuinneamh íseal an comhartha 'croith' chun céimeanna a chomhaireamh. Úsáideann an comhartha 'croith' roinnt léamh braiteora méadar luasghéaraithe chun a fháil amach ar croitheadh an micro:bit.
• Seans go n-aithneofá nach spreagtar an comhartha 'croith' gach uair a ghlacann tú céim, nó go spreagtar ró-éasca é, agus go mbíonn comhaireamh céimeanna míchruinn mar thoradh air sin.
• Chun comhaireamh céimeanna níos cruinne a dhéanamh, in ionad an ghluaiseacht ‘croith’ a úsáid, úsáideann an clár seo sonraí uimhriúla ón luasghéaraitheoir chun a chinneadh an ndearna tú céim agus, má rinne, an t-athróg céimeanna a mhéadú faoi 1.
• Má tá an luasghéarú níos mó ná (>) 1500, suimítear 1 leis an athróg céimeanna agus taispeántar comhaireamh na gcéimeanna ar aschur scáileáin an LED. Is é 1500 an tairseach - an pointe ag a spreagfaidh gluaiseacht comhaireamh céime.
• Seans go mbeadh ort an uimhir 1500 a athrú chun an t-áiritheoir céimeanna a dhéanamh níos cruinne - ach is féidir leat féin an tairseach le húsáid a shocrú, ach leis an gcomhartha 'croith' is iad na daoine a dhear an micro:bit a shocraíonn an tairseach duit.
• Tugtar calabrú ar an mionathrú a dhéantar ar an tairseach chun é a chur in oiriúint duit féin.
• Tabhair faoi deara, nuair nach bhfuil micro:bit ag gluaiseacht, go dtugann an luasmhéadair léamh neart thart ar 1000. Is í domhantarraingt ar an micro:bit is cúis leis sin.

Cad a theastaíonn uait

• micro:bit (nó ionsamhlóir MakeCode)
• MakeCode nó Python editor
• paca cadhnraí (roghnach)
• rud éigin chun an micro:bit a cheangal le do bhróg nó le do chos - sreangán nó Velcro.

Céim 2: Códaigh é

1from microbit import *
2steps=0
3
4while True:
5    if accelerometer.get_y() > 1500:
6        steps += 1
7        display.scroll(steps)
8

Céim 3: Feabhsaigh é

• Cuir fad leis na cadhnraí tríd an ríomhchlár a athrú ionas nach dtaispeánfaidh sé líon na gcéimeanna ach amháin má bhrúnn tú cnaipe A.
• Mionathraigh an ríomhchlár ionas go socraíonn cnaipe B an t-áiritheoir ar ais chuig 0.
• Tomhais fad do choiscéime agus tabhair ar do micro:bit é sin a mhéadú faoin líon coiscéimeanna chun an fad a shiúil tú a ríomh.
• Is féidir leis an méadar luasghéaraithe fórsaí a thomhas i 3 thoise, tugtar aiseanna X, Y agus Z orthu. Is féidir leat an cód a mhionathrú chun an ais le tomhas a roghnú, ag brath ar an gcaoi a ngreamaíonn tú an micro:bit le do chos nó le do bhróg.