Tóraíocht taisce

Céim 1: Cruthaigh é

Cad atá ann?

Úsáid cúpla micro:bit chun cluiche fisiciúil tóraíocht taisce a chruthú ag úsáid cumarsáid raidió.

Conas a oibríonn sé

• Amhail Tionscadal rabhcháin an bhuille croí, úsáideann seo dhá ríomhchlár dhifriúla, ceann chun comhartha raidió a tharchur, agus ceann eile chun na comharthaí a fháil.
• Splanc ríomhchlár an rabhcháin (tarchuradóir) chuig micro:bit difriúla, ag cinntiú go n-athraíonn tú an uimhir san athróg comhartha aitheantais ionas go mbeidh gach ceann difriúil. Taispeánann na rabhcháin a gcomhartha aitheantais ar feadh seal gairid ar an scáileán ionas go mbeidh a fhios agat cé acu atá ann. Cuir pacaí cadhnraí leis agus ansin folaigh na rabhcháin a tharchuireann uimhir a gcomharthaí aitheantais gach 200 milleasoicind (0.2 soicind).
• Splanc cód an ghlacadóra chuig na micro:bits do na tóraithe taisce. Is féidir leis an ríomhchlár seo a bheith mar an gcéanna do na glacadóirí uile. Nuair a fheiceann tú rabhchán, taispeánfaidh an glacadóir uimhir an chomhartha aitheantais atá á chraoladh aige. Caochfaidh an scáileán agus tú níos faide ar shiúl agus éireoidh sé socair de réir mar a bhogfaidh tú níos cóngaraí.
• Cruthaigh do rialacha féin don chluiche – breac síos na huimhreacha agus an áit ar aimsigh tú iad, nó bailigh rabhcháin fhisiciúla an micro:bit. Buafaidh an fhoireann leis an méid is mó.

Cad a theastaíonn uait

• Roinnt micro:bits agus pacaí cadhnraí
• MakeCode nó Python editor
• spás réasúnta mór le rabhcháin a cheilt ann – d’fhéadfadh sé a bheith istigh nó amuigh faoin aer

Céim 2: Códaigh é

Rabhchán / tarchuradóir

1from microbit import *
2import radio
3radio.config(group=1, power=1)
4radio.on()
5id = '1' # change this number for each beacon
6display.show(id)
7sleep(2000)
8display.clear()
9
10while True:
11    radio.send(id)
12    sleep(200)
13

Glacadóir

1from microbit import *
2import radio
3radio.config(group=1)
4radio.on()
5
6while True:
7    message = radio.receive()
8    if message:
9        display.show(message)
10        sleep(200)
11        display.clear()
12

Céim 3: Feabhsaigh é

• Athraigh cumhacht an tarchuradóra chun spás níos mó nó níos lú a chlúdach. Is féidir leis an gcumhacht a bheith in aon uimhir ó 0 go 7.
• Laghdaigh cumhacht na rabhchán freisin ionas go mbeidh sé níos deacra iad a aimsiú - bí cúramach nach bhfágann tú aon micro:bit díreach isteach i gcoimeádán miotail, ach má chuireann tú ceann i mbosca cairtchláir nó plaisteach agus má chlúdaíonn tú an taobh amuigh den bhosca le scragall stáin, mar shampla, ní ghluaisfidh na comharthaí raidió chomh fada céanna.
• Úsáidtear níos mó cumhachta agus comharthaí raidió á tharchur, mar sin, thiocfadh leat cur le fad chadhnraí na rabhchán tríd an aga moille idir tarchur a mhéadú níos mó ná 200 milleasoicind.